Mag-aaral, nagpasilakban sa DSPC

         CEBU, Philippines - Ipinamalas ng mga mag-aaral mula sa iba’t ibang paaralan ng Dibisyon ng Cebu ang kanilang kakayahang pampamahayagan sa ginanap na Division Schools Press Conference 2018 sa Cebu City National Science High School, Setyembre 24-25.

Naka-angkla sa temang, “Fostering 21^st Century Skills and Character-based Education through Campus Journalism”, idinaos ang DSPC sa taong ito sa ilalim ng layuning hindi lamang mas mapabuti pa ang mga kakayahan sa pagsulat ng iba’t ibang artikulong tatama sa mga kasalukuyang isyu sa lipunan, pati na rin ang mga kakayahan at ugaling angkop sa kasalukuyang panahon ngayon.

Sinimulan ang komperensya ng isang pambungad na mensahe na nagsasabing ito ang panahon ng pagpapamalas ng mga mamamahayag na may mabuting karakter at ugali na dala ni CCNSHS Principal IV Evelyn R. Pielago.

Sinudan naman ito ng isang inspirasyonal na mensahe ni Chief Implementation Division Grecia F. Bataluna.

Ayon kay CID Bataluna, hindi lamang ito tungkol sa kapanaluhan, ito rin ay upang mas mapabuti pa ang kakayahan ng mga bata sa pagsulat, pakikipagkapwa, komunikasyon at personal na pag-unlad.

Binisita rin ni Resource Speaker at Judge sa Pagwawasto ng Sipi at Pangungulo ng Balita Remedios Sanchez-Flores ang mga manunulat sa isang Mini Press Conference at nagbigay ng inspirasyonal mesahe sa pamamagitan ng kanyang karanasan sa Campus Journalism.

“What you are is God’s gift to you,” ani ni Gng.

Mahigit 20 taon nang nasa Campus Journalism si Gng. Flores, at sa haba ng panahon na ito ay ginugol niya sa pagtuturo sa mga mag-aaral na nais sumubok sa larangan na ito at ang iilan sa kanila ay nanalo na sa Rehiyonal at Nasyonal na kategorya.

Sa katunayan, si Mary Therese Aberientos ng Ateneo de Cebu ay isa sa mga naturuan ni Gng. Flores sa Pagwawasto ng Sipi at Pangungulo ng Balita na nanalo ng ika-apat na puwesto sa National Schools Press Conference.

“Do not think only on your capability as a writer, however, you have to acknowledge God who has given you your talent competencies and skills. All you have to do is to practice to make everything perfect,” pagtatapos niya.

Mahigit 1,691 na mag-aaral mula sa 59 paaralan sa Cebu City Division ang sumali sa DSPS ngayong taon; 45 pampublikong paaralan at 14 pampribadong paaralan.